Бу сўзларни сизга айта олмаганман. Секин ўқинг. Bu so'zlarni sizga ayta olmaganman. Sekin o'qing.
Аввал ҳам бу сўзларни кўп марта айтгим келган. Avval ham bu so'zlarni ko'p marta aytgim kelgan.
Аммо ҳар сафар кўзингизга қараганимда, журъатим йўқолиб, тилим айланмай қоларди. Ammo har safar ko'zingizga qaraganimda, jur'atim yo'qolib, tilim aylanmay qolardi.
Шунинг учун уларни бу ерга ёздим. Shuning uchun ularni bu yerga yozdim.
Раҳмат — ўша тунлар учун. Rahmat — o'sha tunlar uchun.
Ухлаб қолганимда устимни ёпганингиз, мен касал бўлсам бедор ўтказганингиз — ўша тунлар учун. Uxlab qolganimda ustimni yopganingiz, men kasal bo'lsam bedor o'tkazganingiz — o'sha tunlar uchun.
Раҳмат — сабрингиз учун. Rahmat — sabringiz uchun.
Хато қилсам, баъзан қўпол гапирсам, ранжитсам — нима қилсам ҳам менинг ёнимда бўлганингиз учун. Xato qilsam, ba'zan qo'pol gapirsam, ranjitsam — nima qilsam ham mening yonimda bo'lganingiz uchun.
Раҳмат — меҳрингиз учун. Rahmat — mehringiz uchun.
Шунча нодонлигимга қарамай, ҳамма мени ёмон кўрган вақтда ҳам, барча-барча вазиятларда ҳам мени яхши кўра олганингиз учун. Shuncha nodonligimga qaramay, hamma meni yomon ko'rgan vaqtda ham, barcha-barcha vaziyatlarda ham meni yaxshi ko'ra olganingiz uchun.
Сизни яхши кўраман. Sizni yaxshi ko'raman.
Сизнинг бир табассумингиз менинг ҳар қандай дардимга малҳам бўла олади, қалбимга сурур бағишлай олади. Sizning bir tabassumingiz mening har qanday dardimga malham bo'la oladi, qalbimga surur bag'ishlay oladi.
Ҳаракат қилсам ҳам сизни қанчалик яхши кўришимни ифодалай олмадим. Айта олмаганимни ёзиш қўлимдан келади деб ўйлаган эдим — адашибман, бу имконсиз экан. Harakat qilsam ham sizni qanchalik yaxshi ko'rishimni ifodalay olmadim. Ayta olmaganimni yozish qo'limdan keladi deb o'ylagan edim — adashibman, bu imkonsiz ekan.
Мен сизни кеча ҳам, ҳозир ҳам, кейин ҳам яхши кўраман. Фақат буни қандай сўз билан ифодалашни билмайман, холос. Men sizni kecha ham, hozir ham, keyin ham yaxshi ko'raman. Faqat buni qanday so'z bilan ifodalashni bilmayman, xolos.
Айтган сабабларим, қилган ишларингиз учун эмас — шунчаки, шунчаки онам бўлганингиз учун яхши кўраман. Борингизга шукр. Aytgan sabablarim, qilgan ishlaringiz uchun emas — shunchaki, shunchaki onam bo'lganingiz uchun yaxshi ko'raman. Boringizga shukr.